ليلى علوى..اجور الفنانين: الفنان المصري معندوش تأمين ولا معاش وبيموت فقير!

نشرت الصفحة الرسمية لشبكة قنوات art، عبر موقع التواصل الاجتماعي فيسبوك، مقطع فيديو للقاء جمع بين الفنانة النجمة، ليلى علوي والإعلامية المصرية بوسي شلبي، تحدثت ليلى خلاله عن منتقدي ارتفاع أجرها المادي.
وقالت ليلى علوى عن نظرة المجتمع لأجور النجوم : فيه ناس بتقول الناس بتاخد فلوس كتير، ميعرفوش أننا بندفع 20% ضريبة، وعندنا مصاريف وعندنا دعاية ومسؤوليات، ممكن الواحد يقعد سنتين أو 3 مش بيشتغل، معندناش معاش، ولا تأمين صحي، الفنان معندهوش حد يضمن له بكره.
وأضافت علوي :

النجوم الكبار ونجوم الفن العربي خلال الـ 100 سنة اللي فاتوا، ماتوا من غير ما يسيبوا حاجة ليهم ولا لولادهم، يعني فقرا، مفيش ممثل ناشيء أو نجم كبير بيحدد سعره، اللي بيحدد سعره هو التوزيع، أنا بتمنى كل موظف في مصر ياخد المرتب اللي يستحقه، كل واحد يعمل في أي مجال يحصل على العائد اللي بيستحقه.


ومن ناحية أخرى، يُعرض لـ ليلى علوي حاليًا في دور العرض فيلم ماما حامل، والتي تشارك في بطولته مع بيومي فؤاد، حمدي الميرغني، محمد سلام، بدرية طلبة، نانسي صلاح، وآخرين، والعمل من تأليف لؤي السيد وإخراج محمود كريم.

اترك تعليقاً

لن يتم نشر عنوان بريدك الإلكتروني.