هل اعطى حيدر العبادي اجرة المشحوف؟

من محاسن الصدف أثناء سفرتنا للأهوار الجبايش إلتقيت بالأخ أبو حيدر صاحب المشحوف ( البلم ) الذي ركب فيه رئيس الوزراء حيدر العبادي ، يگول من إختار مشحوفي من بين الكل قريت الفاتحة لأم البنين سبعطعش مرة خاف الناس تحسدني وگلت بگلبي شأشتري بالاكرامية الراح ينطينيها يگول ضليت أضرب أخماس بأسداس ساعة أشتري سيارة ساعة أشتري جاموسات أعيش بيهن ، يگول جماعة مجلس المحافظة گلولي لا تحچي أبد إجرتك علينا ،، من خلصت الجولة بالهور العبادي نزل وبسلها والجماعة وراه واحد واحد واني ضليت أطگ أصبع وأغني ( مشحوفنه طر الهور ) يگول مو هنا المصيبة ، المصيبة أم حيدر لليوم ليلية تحلفني بروح امك شنطاك گلي وما أگول !! أبو حيدر گلي أمانة برگبتك أبو مسلم توصلها للعبادي گله أبو حيدر يسلم عليك والاجرة بذمتك هههههههههههه گتله ابو حدوري يصير آني أدفع بمكانه بعتباره ابونا كلنا ،، گلي تدفعله سم وزهر ،،،،

اليحب يسمع مقتطفات من الحديث يشغل الفيديو

https://www.facebook.com/100000926774596/videos/pcb.2085929218114617/2085927494781456/?type=3&theater

حيدر العبادي في اهوار الجبايش