وفاة حمار “مطي” بجلطة دماغية

– إنتظرت الى ان واحد يموت وتدخل بمكانه..!!؟.
– دتحس انو اكو ثروات بالبلد وانت مامستفيد منها..!!؟.
– الانتخابات مزورة وما فزت بمقعد بالبرلمان !!
– تريد تسوي مليشيا زغيرة وما سمحولك..!!؟.

عراقي مربي حمار ” مطي”. صحى الصبح لگة المطي ميت..!!.
أخذه عالدكتور البيطرى.. حتى يعرف سبب الوفاة..!!.
تفاجأ من قول الدكتور.. أنو المطي مات بالجلطة الدماغية..!!.
دار وجهه عالمطي.. ولزم اذاناته.. وگام يحاچيه.. بتعجب..!!. وحرگة .. واستغراب..!!.
. جتك جلطه ليش..!!.؟.
. خريج هندسه وملاگي شغل..!!؟.
. خريج ادارة واقتصاد.. وواگف بسوگ المخضر..!!؟.
. خريج آداب..ودتسوق تاكسى..!!؟.
. خريج قانون.. وتشتغل دلال..!!؟.
. خريج زراعة.. وبالواسطة معينيك بالطرق والجسور..!!؟.
. جمعت كل اللي تملكه..ونطيته لإبنك..علمود يسافر أوروبا.. وغرگ على شواطئ اليونان..!!؟.
. مديون.. وماعندك تسدد ديونك..!!؟.
. تنتظر التعيين.. لوصارلكلك 10 سنين والزمالة اللي عاجبتكك ..وتريدك تتزوجها..وماگادر تخطبها..!!؟.
. رحت ترقم الكيا.. ولگيت عليها مخالفات وانت ماخذها من الشركة..!!؟.
. مگادر تشتري ملابس لجهالك..!!؟.
. ملاگي بيت..!!؟.
. تريد تسوي مليشيا زغيرة وما سمحولك..!!؟.
. منين جتك الجلطة ..!!؟.
. متداين.. ومتورط وماعندك تسدد..!!؟.
. جتك قائمة كهرباء.. وما گادر تدفعهة.. وگطعوا عنك الكهرباء..!!؟. وفوگاها ابو المولدة سالگ اهل اهلك!!!!؟
. حاس نفسكك غريب بالعراق..!!؟.
. الدنيا مخربطة داير مدايرك.. ومخك مگام يتحمل.. من كثرة القوانين الجائرة. هاي اذا اكو قوانين بالاصل.!!؟.
. غلاء اﻻسعار ماعاجبك..!!؟.
. دتحس انو اكو ثروات بالبلد وانت مامستفيد منها..!!؟.
. منين جتك الجلطة داد..!!؟.
. من النواب الكذابين اللي بدم الشعب متاجرين.. لو من حكومة الحرامية..لو اﻻعلام الرخيص الفاسد..!!؟.
. منين جتك الجلطة حبيبي ..!!؟.اخاف على التقاعد اللي مايكفي اجار البيت..!!؟.
. اجاك فشل كلوى من المي الملوث.. ورحت تغسل كليتك وماكو مكان..!!.
. إنتظرت الى ان واحد يموت وتدخل بمكانه..!!؟.
غاثك ابو علي الشيباني مثلاً..!!؟.
. جتك الجلطة منين..!!؟.
. الدولار ملخة للدينار مثلاً..!!؟.
. مشتهي السمچ.. والكيلو وصل ثنعش الف دينار..!!؟.
. رحت تشترى لحم ولگيت الكيلو بثمنطعش الف..!!؟.
. جيت تشترى دجاج.. ولقيته من كثر ما مجمد صاير چنه نعال لاستيك..!!؟.
. رحت تجيب الحصة.. وگالولك ماكو غير الطحين المعفن ..!!؟.
. وين لگتك الجلطة خوية..!!؟.
. قنينة الغاز بثمنتالاف..!!؟.
. لو قائمة الماي بربع مليون..!!؟.
. حاط خط نت بخمسين الف..والنت ما يجي اصلاً..!!؟.
. مشتهي تين.. ومگادر تشتريه..!!؟.
. المشمش نزل السوگ.. وخلص.. وانت ما سمعت بيه..!!؟.
. جتك الجلطه ليش..!!؟.
. نص قرايبك بالسجن..!!؟.
. حاكمكم باع الگاع..!!؟.
. التعليم تافه..!!؟.
. لو القضاء فاسد..!!؟.
. جاوبني ليش انجلطت يمعود..!!؟.
. شيخ الجامع فاسق..!؟.
. منين جتك الجلطة گليبي..!!؟.
. الانتخابات مزورة وما فزت بمقعد بالبرلمان !!
. جنت مدير عام وسحبوا ايدك من الوظيفة
. گوللي..يعني تريد تگولي إنتة تحس اكثر من عدنا..!!.؟.
. روح الله يسامحك وينطينا من صبرك خوية

اترك تعليقاً

لن يتم نشر عنوان بريدك الإلكتروني.